ഡേവിസ് സാറിന്‍റെ ക്ലാസ്സ്‌ . സ്ട്രക്ച്ചരല്‍ എഞ്ചിനീയറിംഗ് ആണ് വിഷയം.
പതിവ് പോലെ ക്ലാസ്സിന്‍റെ ഇടയില്‍ ചോദ്യം വന്നു.
"സ്റ്റീല്‍ ബീം ആണോ
കോണ്‍ക്രീറ്റ് ബീം ആണോ നല്ലത്"
പ്രിനേഷ് ആണ് ഇന്നത്തെ ഇര, എണീറ്റ്‌ തലയും ചൊറിഞ്ഞു
നിന്നു. ഒന്നും ഒന്നും എത്രയാണെന്ന് ചോതിച്ചാല്‍ സംശയം ഉള്ള പ്രിനേഷിനോട് ഇത്തരം
കട്ടിയുള്ള സംശയം ചോതിച്ചാല്‍ കുഴഞ്ഞത് തന്നെ.
"അതിപ്പോ രണ്ടും
നല്ലതാ സാറേ".
ക്ലാസില്‍ അടക്കിപ്പിടിച്ചുള്ള ചിരി പൊട്ടി.
"രണ്ടു വഞ്ചിയില്‍
കാലിടല്ലേ പ്രിനേഷേ, ഏതെങ്കിലും ഒന്ന് പറ. ഇതിപ്പോ കല്യാണം
കഴിക്കണമെന്നും ഉണ്ട് അച്ചനാകനമെന്നും ഉണ്ട് എന്ന് പറഞ്ഞ പോലെയാണല്ലോ". പകുതി
കാര്യത്തിലും പകുതി കളിയാക്കലിലും.
ക്ലാസ്സ്‌ ഒരു നിമിഷത്തേക്ക് നിശംബ്ദമായി. 'കല്യാണം കഴിഞ്ഞു കുറച്ചു നാള്‍ കഴിഞ്ഞാല്‍ സാധാരണ രീതിയില്‍ ഒരാള്‍ അച്ഛന്‍
ആകുമല്ലോ. ഡേവിസ് സാറിനും അബദ്ധം പറ്റിയോ' എന്നായി എല്ലാരുടെയും
ചിന്ത.
എല്ലാരുടെയും ഇരിപ്പും നോട്ടവും കണ്ടപ്പോള്‍ അബദ്ധം മനസ്സിലായ ഡേവിസ് സാറില്‍
നിന്നും വിശദീകരണം അപ്പൊ തന്നെ വന്നു
"ഞാന്‍
ഉദ്ദേശിച്ചത് പള്ളിയിലെ അച്ഛനെ ആണ് കേട്ടോ"
നിശംബ്ദമായിരുന്ന ക്ലാസ്സില്‍ ഒരു കൂട്ടച്ചിരി പറന്നു....
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ